Deputeti i PD-së Flamur Noka ka reaguar ashpër lidhur me përgjimet e reja që janë publikuar në media për kryebashkiakun e Durrësit Vangjush Dako, duke thënë se ai po përpiqet që të prishë provat.
Noka u shpreh se përgjimet e publikuara dje janë të qarta, duke shtuar se me lënien e tij tëlirë po hidhet në erë Reforma në Drejtësi.
Po ashtu Noka tha se Dako ka gënjyer publikisht në emisionin Opinion,m kju u shpreh se ai kishte folur me Avdylajt vetëm në kohën e fushatës elektorale. Kjo pasi biseda e bërë publike dje i përkiste shkurtit të vitit të kaluar.
Reagimi i Nokës:
Vangjush Dako duhet të arrestohet menjëherë, mosarrestimi i tij është dëshmia më e qartë e kapjes së qeverisë nga krimi i organizuar.
Nëse ai lihet i lirë do të prishen dhe provat që kanë mbetur. Mosarrestimii tij hedh në erë Reformën në Drejtësi, ndodhemi në një moment dramatik. Bandat kanë blerë vota në emër të Vangjush Dakos.
Nuk ka drejtësi dhe paqe sociale kur bredhin të lirë politikanë të kapur nga krimi si Vangjush Dako.
