Babai i 35-vjeçarit, Konstantinos Kaçifas, i cili u vra në shkëmbimin e zjarrit me Policinë shqiptare në fshatin Bularat të Gjirokastrës ka mberritur në Prokurori, ku eshte therritur te deshmoje rreth ngjarjes se rende.
Nje dite me pare, “Protothema” shkruante se Jani Kaçifas, babait të Konstantinos, i është kërkuar nga Prokuroria shqiptare që të depozitojë një kërkesë me shkrim për të marrë trupin e djalit të tij.
Që para dy ditësh në këtë çështje ka ndërhyrë dhe prokurori i Shkallës së Parë të Athinës, Vangjeli Ioanidhis, i cili ka marrë dosjen e Kaçifas, ku kanë dëshmuar nëna dhe babai i viktimës dhe një polic.
Të hënën, shkruan “Protothema”, autoritetet shqiptare i kërkuan familjes që të merrte trupin, por më pas kjo kërkesë u tërhoq për një hetim të dytë dhe të pavarur të ngjarjes dhe trupit të viktimës.
