Një shqiptar është arrestuar në Itali, pasi pas kontrolleve të kryera, 36-vjeçari, identiteti i të cilit nuk bëhet me dije mbante në makinë 500 gram kokainë të pastër.
Sasia e drogës ishte fshehur në një zarf brenda makinës, ndërsa lëvizjet e dyshimta të shqiptarit, kanë çuar në kontroll dhe më pas në zbulimin e kokainës.
Shqiptari me vendbanim në Montesilvano, është dërguar në paraburgim dhe pritet të dalë para drejtësisë për t’u njohur me masën e sigurisë.
