Dy persona janë arrestuar nga ana e Policisë së Vlorës nën akuzën e përndjekjes. Personat e arrestuar janë Jorgo Bala dhe Hermes Topçiu.
Arrestimi i shtetasit Jorgo Bala, 40 vjeç, banues në Himarë, u bë pasi më datë 29.10.2018, dyshohet se ka përndjekur nëpërmjet mesazheve telefonike dhe më pas duke e kanosur me fjalë deri në banesë shtetasen V.P, 38 vjeçe, banuese në Himarë.
Materialet iu referuan Prokurorisë për veprat penale “Përndjekja” dhe “Kanosja”, neni 121/a dhe 84 të Kodit Penal.
Po ashtu njoftohet nga policia dhe arrestimi i shtetasit Hermes Topçiu, 21 vjeç, banues në Vlorë.
Arrestimi i tij u bë pasi më datë 29.10.2018, dyshohet se përndjekur shtetasen O.V, 14 vjeçe, duke e shqetësuar dhe frikësuar shtetasen në fjalë.
Materialet iu referuan Prokurorisë për veprën penale “Përndjekja” neni 121/a i Kodit Penal.
