Shpesh kanë qënë në fokus të medias, skandalet që prodhon arsimi shqiptar dhe veçanërisht kurrikulat që hartohen, apo tekstet që ju servirën fëmijëve. Rasti më i fundit i dështimit të reformes së altertekstit është ai me librin e gjuhës shqipe të klasës së tretë, të ciklit fillor.
Të vegjelve ministria e arsimit me shtëpitë botuese, nuk janë kursyer tu vendosin të mësojnë edhe për një festë që nuk është as në traditën dhe as në historinë e Shqipërisë, “Halloween”. Lajthitja alla shqiptare ka shkuar deri aty sa, tashmë në shkolla jo vetëm festohet, por edhe mësohet brenda orës së mësimit, se cfarë është kjo festë. Nxënësve ju flitet për maska, shtriga, vampirë dhe se si ta kthejnë këtë festë në traditën e tyre, duke ju kërkuar prindërve edhe veshjet përkatëse.
Një festë që nuk transmeton asnjë vlerë apo edukim, por që ministria e përdor për rritjen e brezave të rinj. “Gjërat që më frikësojnë mua”, “Vampiri i vogël dhe Antoni”, si dhe “Nata e Hallouinit” janë 3 nga pjesët e shkëputura që fëmijeve ju mësohen me detaje, në të cilat flitet për ujqër që ulërijnë, vampirë që kërcejnë, shtrigë që rri mbi kazan, skeletë që kërcejnë, fantazma që vërviten nga oxhaku etj.
Nuk dihet nëse ministrja e arsimit Lindita Nikolla dhe kryeministri Edi Rama i kanë shfletuar, apo lexuar këto pjesë dhe cfarë edukate kanë dashur ti përcjellin më të vegjelve. Nëse në shkollat tona sot nuk flitet as për Krishtëlindje, Bajram apo Pashkë, si shkolla laike, as Halloween si festë pagane nuk ka përse të zërë vend në këto kurrikula mësimore, pasi përbëjnë skandalin e kryeskandaleve!
