Në një lidhje direkte në emisionin “Dritare me Rudinën” gazetarja e News 24, Ira Londo ka raportuar nga Athina për situatën atje pas vrasjes së Konstandinos Kocifas, të dielën në Gjirokastër.
Londo ka thënë se në këto momente po mbahet në protestë anti-shqiptare në Athinë, me thirrje të forta raciste.
Ata dëgjohen teksa thonë njëzëri: Gjaku rrjedh dhe kërkon hakmarrje
Çekiç dhe flakë për qentë shqiptarë
Dëgjoni mirë derra shqiptarë, do kthehemi sërish dhe do dridhet toka
Ushtria greke në Vorio Epir, gjaku rrjedh dhe hakmarrje kërkon, Jashtë tani të gjithë shqiptarët
“Ata kanë dalë në orën 19:30, rreth 200 persona me grupe minoritare dhe ndoshta edhe organizata ekstremiste.
Thirrja është bërë nga media elektronike. Janë mbledhur para parlamentit.
Ka pasur thirrje mjaft të rënda anti-shqiptare, thirrje raciste.
Është tejkaluar në median greke çdo lloj etike, dhe këtë mbrëmje mund të presim gjithçka”, tha gazetarja.
