Një zjarr raportohet se ka rënë në burgun e Shutkës në Shkup, ku për pasojë kanë mbetur 4 persona të lënduar.
Nga të dhënat mësohet se të lënduar kanë mbetur 3 të burgosur dhe një efektiv i policisë së burgjeve.
Mediet vendase bëjnë me dije se zjarri ka djegur një dhomë në hapësirën e burgut, ndonëse është ndërhyrë menjëherë për shuarjen e flakëve. ËShtë dashur ndërhyrja e zjarrfikësve me 5 automjete që flakët të viheshin nën kontroll.
Ndërkohë ende nuk ka një reagim zyrtar për të sqaruar rrethanat dhe shkaqet e zjarrit.
