Që prej paradites së sotme fshati Bularat i Gjirokastrës u ‘blindua’ nga policia, pasi kjo e fundit u vu në ndjekje të një 35-vjeçari grek që hapi zjarr ndaj mjetit të bluve. Pas disa orë kërkimesh, Kostandinos Kaçifa është vrarë nga RENEA.
I riu grek është cilësuar si ekstremist i Agimit të Artë, ndërsa njihet edhe si njeri i stërvitur me armët e zjarrit, pasi ka qenë anëtar i Forcave Speciale Greke.
Kujtojmë se i riu qëlloi fillimisht me armë zjarri në ajër gjatë festës së Greqisë dhe më pas në drejtim të makinës së policisë, kur kjo e fundit mbërriti në vendin e ngjarjes pas të shtënave.