Një mjeke dhe një infermiere po bisedonin dhe qeshnin midis tyre pasi u larguan nga puna në një klinikë mjekësore, pa e ditur se toka poshtë këmbëve të tyre do të shembej.
Trotuari ku ato po qëndronin, ra duke krijuar një gropë të madhe. Kamerat e sigurisë kanë kapur momentin tronditës.
Dr Suzan Kuday Balık dhe infermierja Ozlem Duymaz ishin të pavetëdijshme për atë që i priste pasi mbaruan ditën e punës rreth orës 4 pasdite me orën lokale.
Ngjarja u regjistrua të enjten në qytetin turk të Dijarbakir.
Çifti u “gëlltit” nga humnera e betonit dhe u mbulua me pluhur dhe mbeturina, duke rënë rreth tre metra në bodrumin poshtë. Pamjet janë shpërndarë gjerësisht në median turke.
Të dy gratë u dërguan në një spital aty pranë dhe fatmirësisht kanë vetëm plagë të lehta. Një hetim ka nisur rreth rastit.
https://www.youtube.com/watch?v=9eoARJeg15E
