Nga Boldnews.al
Më 2 qershor të vitit 2012, Gjeneral Sandër Lleshi po bënte vrap nga Liqeni Artificial, kur i mbërrin një telefonatë: “Të kemi propozuar si kandidat për President”. Befasi për numrin dy të Ushtrisë Shqiptare në atë kohë, por jo aq për tre emra që e kishin shoshitur mirë figurën e Sandër Lleshit. Fillimisht, Edi Rama që mëtonte të merrte pushtetin, kërkoi që të kishte dorë në propozimin e kandidaturës për presidentin e republikës.
Emri i Ismail Kadaresë i erdhi vetishëm në mendje dhe kryesocialisti i kërkoi shkrimitarit të njohur për të marrë detyrën për të “mirën e vendit”. Refuzimi i prerë i Kadaresë trazoi ujërat, por Rama këmbënguli, duke i gjetur “anët”… Ai komunikoi me At Zef Pllumin që të bindte Kadarenë për të qenë ai kandidat për President. As fjalët e At Zef Pllumit nuk e lëkundën shkrimtarin Kadare që për të disatën herë refuzonte të përfshihej në politikë.
Kadare nuk u mendua gjatë dhe i kthen përgjigje Ramës se nëse do të donte një figurë dinjitoze dhe të papërlyer, ai ishte Sandër Lleshi. Në këtë mënyrë edhe një herë treshja At Zef Pllumi, Ismail Kadare dhe Edi Rama kishin një tjetër alternativë, pikërisht Sandër Lleshin.
Shkrimitari e kishte njohur krejt rastësisht gjeneralin në një konferencë shkencore që mbahej në Gjermani. Po flitej për kulturën, letërsinë dhe historinë, ku Lleshi mbajti fjalim dhe aty Kadare afrohet për të nisur një bisedë të shkurtër dhe më pas të vijonte një miqësi disi më e fortë.
Gjenerali mendoi se emir i tij do të mbështetej nga Berisha dhe e djathta, pasi edhe në bindje ishtë një “antikomunist” i kahershëm që vinte nga familje e persekutuar, por kryeministri në atë kohë kishte të tjera plane dhe refuzoi. “Jo më ushtarakë në krye të presidencës”, qe vendimi i prerë i Berishës, që duket se nuk kishte një raport të mirë me ushtarakët, që nga koha e ish-presidentin Alfred Moisiu.
Brenda pak ditësh Berisha vendosi veton dhe më forcën e kartonit zgjodhi presidentin nga radhët e tij, pikërisht Bujar Nishanin. Që në atë moment zëvendëshefi i Shtabit të Përgjithshëm të Ushtrisë, Gjeneral Sandër Lleshi do të shihej me tjetër sy. Nisën sulmet për të dhe vetëm një vit pasi ishte propozuar për President, u shkarkua nga detyra, ironikisht me firmë të Bujar Nishanit, që mbante postin e kreut të shtetit.
Gjenerali kishte një numër të madh vlerësimesh nga partnerët ndërkombëtarë dhe për shumë vite ishte oficeri kryesor i ushtrisë Shqiptare në raport me strukturat e NATO-s. Megjithatë fërkimet më të mëdha erdhëm pikërisht pasi u propozua nga Partis Socialiste si kandidat i mundshëm për President.
Vetë Lleshi në atë pak dalje publike e kishte pranuar se konflikti me ish-ministrin e Mbrojtjes Arben Imami, nisi që pas qershorit 2012, për të kapur kulmin në mesin e vitit 2013 kur e shkarkuan për shkak të kritikave të hapura që Lleshi kishte për strukturat drejtuese të ministrisë dhe ushtrisë.
Me ndryshimet politike, ndërsa Sandër Lleshi rendej gjykatave për të kërkuar rikthimin në detyrë, i propozohet nga Rama që të ishte këshilltar i tij për çështjeve të sigurisë. Edhe pse një personazh në heshtje, Sandër Lleshi është një nga hartuesit e platformës atidrogë, të nisur për zbatim një vit më parë. Pas dorëheqjes së ministrit të Brendshëm Fatmir Xhafaj, Rama ka propozuar Sandër Lleshin në një nga ministritë më kryesore në vend.
