Pas deklaratave të kryetarit të Bashkisë së Durrësit, analisti Fatos Lubonja në emisionin “Të Paekspozuarit” në News24 ka deklaruar se deklarata e tij se është supermen, është shenjë e omnipotencës.
“Është sindromë e omnipontencës, këta që thonë jam supermen. Për fat të keq, ne vazhdojmë të sundohemi nga persona dhe jo nga ligji. Këta kanë ndërtuar një sistem të tërë që të sundohemi nga personat. Ai thotë jam supermen, e thotë se nuk ka ligj. Këtë sjellje ka edhe kryeministri, që flet në emër të drejtësisë u shpreh Lubonja”, tha Lubonja.
Dako tha në “Opinion” se ai në fushatë takon shumë persona, ndërsa e ka konsideruar veten si supermen.
“Unë në fushatë nuk lëviz as me eskortë politike as me deputetë. Lëviz vetëm me shoferin se nuk më përballon dot njeri. Se ndaloj, takoj njerëz, pi diku një kafe, takoj të tjerë. Lulzim Basha i ka me gjak dhe të zeza se i ka duke numëruar të zezat. Me mua krahasohen këta? Por unë nuk pranoj të krahasohen me mua këta! Unë në fushatë jam superman, bëj takime me 20 vetë, me 50 vetë”– tha Dako.
