Një ceremoni dekorimi e kryeministrit Rama nga drejtues të Kishës Ortodokse greke është fshehur prej një kohe të gjatë nga Edi Rama. Video e kësaj ceremonie është publikuar sot nga ish-kryeministri Berisha.
Ish-kryeministri i vendit Sali Berisha ka shpërndarë një videoje të kryeministrit Edi Rama gjatë vizitës së tij në dhjetor të vitit 2015 në Izrael ku takoi dhe Patriarkun e Jeruzalemit. Rama u dekorua me ”Urdhërin e Kryqit të Lartë të Kalorësit të Varrit të Shenjtë”.
Në fjalën e tij Patriarku Theophilos III qe shprehur; “Ne krenohemi për marrëdhënien tonë të ngushtë me Kishën Ortodokse të Shqipërisë dhe vëllain tonë, Kryepiskopi Anastas. Kisha Ortodokse është duke luajtur një rol jetik në promovimin e shoqërisë multi-kulturore dhe multi-fetare të vendit tuaj, dhe Kryepiskopi Anastas është thellësisht e përkushtuar për mirëqenien e Shqipërisë dhe të gjithë popujve të saj”.
Berisha teksa publikon videon e Ramës shkruan: “Pse e fsheh Edvin Kristaq Rama, Zografi bis kete ceremoni??? Te gjitha rruget e çojne ne Athine. Shikoni videon e qytetarit dixhital”.
