Deklaratat e kryebashkiakut të Durrësit, Vangjush Dako në ‘Opinion’, janë kritikuar nga kryetari i grupit parlamentar të Partisë Demokratike, Edmond Spaho.
Përmes një statusi në rrjetin social ‘Facebook’, Spaho thekson se është turp që Dako i quan kriminelët qytetarë si gjithë të tjerët, të cilët i takon para zgjedhjeve.
“A e pate cfare turpi!! Vangjush Dako i quan qytetare si gjithe te tjeret kriminelet qe takon gjate zgjedhjeve, kriminelet qe mban ne shtabet elektorale, krimineleve qe ju jep leje ndertimi, krimineleve te cilet blejne vota. Une kam 300 Nice ne gjithe Durresin tha Gjushi. Nicja eshte nje kriminel i lidhur me laboratorin e Hasit dhe qe ble vota ne Durres. E cfare ka ketu, pyeti Gjushi, kjo eshte qesharake te merremi me gjera te tilla. E njejta gje ka ndodhur me Ndoken ne Lezhe”, pohon Spaho, duke u bërë thirrje edhe ambasadave të huaja që të reagojnë për gjenden ku është katandisur vendi.
“Ketu kemi katandisur me Rilindjen. Keqardhje me ata te huaj qe nuk kuptojne apo nuk duan te kuptojne se sa shume ka degraduar Shqiperia dhe rekomandojne si zgjidhje “permiresimin” e kodit elektoral. Ka ardhur koha qe ky rregjim te shembet i teri”, përfundoi Spaho.
