Avokati Çlirim Gjata ka sfiduar në studion e “Opionion” kryebashkiakun Vangjush Dako, pas daljes së përgjimeve të Prokurorisë ku ai bisedon me një prej të arrestuarve të grupit Avdylaj. Gjata i është drejtuar Dakos që ta pohojë ose mohojnë publikisht lidhjen e tij me Avdylajt e Shijakut dhe faktin që i ka vizituar në shtëpi.
I zënë ngushtë si asnjëherë më parë, Dako pranoi se ka qenë te shtëpia e Avdylajve. “Po, kam qenë te shtëpia e Avdylajt”, tha Dako në “Opinion”. Në përgjimet e Prokurorisë për Altin Avdylajn, i njohur si Niçja, është regjistruar edhe Vangjush Dako në biseda me të arrestuarin. Madje, në një tjetër bisedë, ‘Niçes’ i thotë një bashkëbisedues që t’i japin disa para Vangjushit, ose siç e thërrasin ndryshe, “xhuxhi”.
