Presidenti i Kosovës Hashim Thaçi ka reaguar pas raportimit në media se i vëllai i tij, Gani Thaçi, ka rrahur dy persona brenda zyrës së Byrosë Kosovare të Sigurimeve. Lajmi u bë i ditur nga mediet Kosovare, ndrësa thuhet se ngjarja ka ndodhur në orën 12:00.
Thaçi përmes një postimi në ‘Facebook’ shkruan se nuk do ta arsyetoj asnjë veprim të kundërligjshëm të askujt, aq më tepër në një rast si ky dhe ka ftuar organet e rendit që ta trajtojnë rastin në përputhje me ligjin.
“Jam njoftuar për përfshirjen e vëllait tim në një përleshje sporadike fizike. Asnjëherë nuk do ta arsyetoj asnjë veprim të kundërligjshëm të askujt, aq më tepër në një rast si ky. Të qenit familjar i një zyrtari të lartë nuk nënkupton imunitet dhe amnisti për askënd. Përkundrazi. Përgjegjësia është individuale. I ftoj organet e rendit që ta trajtojnë rastin në përputhje me ligjin. Vetëm kështu ndërtojmë shtet ligjor, në të cilin të gjithë jemi të barabartë para ligjit dhe drejtësisë”, shkruan presidenti i Kosovës.
