Gjykata e Apelit në Tiranë, do të shqyrtojë sot kërkesën për liri të Ervis Martinajt. Ndaj Ervis Martinajt nga Gjykata e Tiranës, u dha masa arrest me burg 30 ditor, në një seancë e pazakontë të zhvilluar dy javë më parë, e ndarë në dy pjesë, te një spital privat dhe te Spitali i Traumës në kryeqytet.
AKUZA
Më 4 tetor në një lokal në zonën e ish-Bllokut ka ndodhur një shkëmbim zjarresh ku Fabian Gaxha ka humbur jetën, ndërsa Ervis Martinaj dhe Elion Hato u plagosën. Të përfshirë në ngjarja kanë qenë edhe Redi Popesku, Mervjol Bilo, Ervin Mata dhe Fabjol Alushin.
