Grupi kriminal Avdylaj qendrën e kishte në Shijak, por bashkëpunonte edhe me grupe të tjera kriminale në veri dhe jug të vendit. Ky grup kriminal, sipas Prokurorisë ka porositur lëndën e parë për prodhimin e heroinës në laboratorin e Hasit, e cila vinte nga Afganistani dhe përmes Turqisë dhe Kosovës, futej në Kukës.
Sipas Prokurorisë, nga hetimet ka rezultuar se Lul Berisha kishte marrë përsipër të transportonte heroinën që prodhohej në Has, në drejtim të Gjermanisë.
Autoritetet shqiptare janë vënë në lëvizje pas informacioneve të servirura nga Gjermania se grupet kriminale shqiptar po tentonin të trafikonin sasi të mëdha të drogës së fortë.