Janë jo të paktë punëtorët nga Shqipëria por edhe nga trevat e tjera shqipfolëse si Kosovë dhe Maqedoni, që dërgohen në Katar apo vende të tjera të botës së arabe, për të punuar. Disa agjenci që ofrojnë vende pune, veprojnë në vendin tonë prej disa vitesh.
Çdo punëtori i marrin një shumë të konsiderueshme parash, deri në 1 mijë euro, për ta dërguar në Katar, me premtimin se puna atje është dinjitoze dhe e mirëpaguar. Mirëpo, me të mbërritur në vendin destinacion, këto agjenci i braktisin punëtorët, pasi iu kanë marrë paratë dhe i degdisin në punë të vështira ku i trajtojnë si skellvër, pa rroga dhe pa ushqim.
I kësaj natyre është edhe denoncimi që një qytetar ka bërë për JOQ për të ashtuquajturën Europe Agency. Kjo e fundit operon me disa kompani të huaja në kërkim të krahëve të punës dhe dërgon vazhdimisht shqiptarë jashtë vendit. Por këta të fundit, në vend të punës gjejnë “ferrin”. Ndërsa nga ana e institucioneve ligjzbatuese ka zero kontroll ndaj këtyre agjencive mashtruese.
Lexojeni për më shumë:
“JOQ ju lutem publikojeni ju sepse shteti nuk na ndihmon dot ti mbylli keto agjenci plehrash qe na marrin nga 1000 euro edhe na dergojn ne Katar si skllever qe nuk na japin rrogen. Agjensia ne kontrate duhet te mbaj pergjegjesi per cfare na ndodh ne ketu por ato nuk kthejne as mesazh. Ambasada shqiptare ketu ne Katar thote nuk te ndihmojm dot, pac fat. Vetem emrin mos ma nxirrni se kam merak familjen se nuk dine gje se nuk me intereso per njeri tjeter.”
