Pas 1 Janarit, industria e basteve do t’i rikthehet mënyrave të kohës së komunizmit, të paktën nëse Edi Rama do të bëjë atë që thotë. Nga Kamza, ku i foli të rinjve që morën kartën e anëtarësimit në Partinë Socialiste, Rama tha se do të shpallë të paligjshme edhe faqet e internetit, ku luhen bastet online.
“68% e lojtarëve sipas statistikave e fillojnë këtë rrugë në moshën nga 10-16 vjeç. Parafytyro nënat që bëjnë gjithçka për të rritur fëmijët dhe fëmijët iu kthehen në të sëmurë të lojërave të fatit.
Ndryshe nga çfarë flitet, më thanë që kanë organizuar protestë lojtarët e fatit, nuk i organizojnë këta, janë ata që i organizojnë lojërat e fatit. E mbështet edhe opozita duke hedhur baltë kur thotë se vëllai im do mbajë një…. të paktën në këtë rast Taulantin nuk e kanë përmend.
E vërteta është që do të mbyllen të gjitha, por ne kemi ngritur një grup ekspertësh që të bllokojnë edhe bastet që janë jashtë, se sot luhet nëpër telefona në kartat e kreditit, janë miliona e miliona që i merr lumi” tha Rama.