Që nga udhëtimi i parë i Harry-t dhe Meghan Markle në Australi, përveç lajmit të shtatzanisë të dukeshës dhe për aftësitë e saja në gatim (gatimi i banana bread fitoi zemrat e fshatarëve australianë), u vu re diçka tjetër.
Një unazë e zezë, në gishtin e dorës së djathtë dhe që princ Harry e ka në çdo dalje të tij në publik, i çmendi të gjithë.
E kujt është ajo unazë? Kush ia ka dhuruar dhe përse e ve? ishin disa nga pyetjet që u bënë nga të gjithë.
Në pak orë misteri u zbulua.
Unaza e vënë nga Harry nuk është një unazë normale, por një wearable, një pajisje eletronike dhe saktësisht një Oura Ring, një unazë teknologjike e Oura-s, një startup finlandez.
Diçka e ngjashme me një fit-watch, me ndryshimin që nuk vihet në kyç por në gisht.
Kjo unazë kontrollon aktivitetin fizik të zhvilluar gjatë gjithë ditës, duke i shënuar të dhënat në një aplikacion d.m.th mat temperaturën e trupit, rrahjet e zemrës dhe levizjet e kryera gjate ditës por edhe duke kontrolluar orët e gjumit.
Unaza e vënë nga Harry kushton 419 euro dhe nuk është një nga më të shtrenjtat .
