Albert Veliu ka rrëfyer në “Open” si u mor peng në Kukës në 18 maj të këtij viti, teksa udhëtonte te një mik i tij në Tropojë. “Babalja” thotë se është ndaluar nga disa persona të maskuar e të armatosur dhe është mbajtur peng për tre orë. Albert Veliu thotë se atë kishin vendosur ta vrisnin…
Në 17 maj më ka dalë policia shqiptare, pas audiopërgjimit, dhe më ka marrë në telefon “X”-i dhe më thotë se do të të shuajë të gjithë familjen. Jam ndaluar edhe në Kukës, në datën 18 maj. Më kanë dalë me maska, më kanë vënë pistoletën në kokë, ishin me makina me targa angleze, gjermane. Më kanë mbajtur tre orë peng, derisa doli ajo thënia ime në Parlament. Më kanë mbajtur tre orë peng në një rrugë në autostradë. Shefi ishte me origjinë nga Berati. Pastaj më çuan në Prokurori për të marrë kampionin e zërit. Më kanë marrë peng teksa ikja në Tropojë te një miku im. E gjitha në 18 maj.
Ai mohon që të ketë kaluar kufirin në mënyrë të paligjshme.
Kufirin e kalova në datën 24 maj. Kam kaluar përmes doganës në këmbë bashkë me djalin dhe askush nuk më ndaloi. Nuk kam kaluar maleve. Udhëtuam me autobus deri në fshatin Shtimë, qëndrova dy ditë në hotel. Po rrija me djalin. Vjen një miku im dhe më nxjerr për drekë pasi ishte Bajram. Na ndjek nga pas një makinë me targa shqiptare, thotë policia. Më çojnë në polici dhe aty kërkoj azil. Të më garantojë shteti kosovar që të shkoj të ballafaqohem. Kur të dalë X-i nga burgu le të ballafaqohemi.
Zëri i regjistruar është i Agron Xhafajt?
Deri në vdekje, e them deri në vdekje që është zëri i tij. Më kanë thënë eja deklaro se ishte shpifje dhe po të duash e ccojmë me pasaportë maqedonase atje ku janë bashkëshortja dhe fëmija i vogël. Dje ka ardh një makinë me katër persona, me tatuazhe, pyesin kush janë rojet.
