Kryeministri Edi Rama ndodhet në një takim me strukturat e Policisë së Shtetit së bashku me ministrin e Brendshëm, Fatmir Xhafaj. Gjatë fjalës së tij, Rama i revoltuar për shpifjen dhe baltosjen nga ana e kundërshtarëve politikë të tij, u mbulua me djersë.
Kryeministri edhe pse dha disa porosi për uniformat blu, nuk e fshehu dot sikletin nga ‘shpifjet’ që e kanë përfshirë këto kohë qeverinë e tij.
“Fëlliqësitë e hedhura mbi uniformat tuaja nuk duhet të përqëndrojnë në asnjë moment nga misioni dhe qëllimi juaj. Ofensiva meriton një kundërpërgjigje dhe si kundëpërgjigje shumëfishimin imediat ndaj krimit, që nga lloji i të fortëve në mes bllokut, deri te kundërvajtësit që kërcënojnë qetësinë e komunitetit, kriza e politikës që syno të errësojë sytë e publikut është mundësi që duhet shfrytëzuar për të dhënë gjithçka, shtysë për të mbledhur fuqitë dhe energjitë e brendshme duke e renditur në një shkallë tjetër policinë e shtetit”, tha Rama në fjalën e tij.