Një shqiptar është gjetur i vdekur në banesën e tij në verilindje të qytetit australian Adelaide këtë të premte. Siç raporton televizioni australian ‘7 News’ mësohet se shqiptari i përket moshës 46 vjeçare. Mendohet se vrasja ka ndodhur natën mes së hënës dhe të martës, por policia kontrolloi banesën vetëm të premten rreth orës 1 pasdite, duke zbuluar kështu edhe viktimën
“Ky njeri duket se ka qenë viktimë e një sulmi të rëndësishëm dhe për arsye operacionale nuk mund të hyj në detajet e plagosjeve që ka pësuar”, u tha gazetarëve Inspektori Billy Thompson nga vendngjarja.
Fqinjët thanë se nuk dyshonin për ndonjë gjë të jashtëligjshme për viktimën, i cili kishte rreth 6 muaj që ishte zhvendosur në atë banesë në ‘Carousel Street’, në lagjen ‘Para Vista’.
‘Ai nuk dukej se kishte ndonjë vizitor, asnjë zhurmë në banesë, asgjë, është thjesht shumë e çuditshme’, tha Richard Scurrell për televizionin australian.
