Policia italiane ka vënë në pranga dy kushërinj shqiptarë, të cilët akuzohen për trafik droge. Arrestimi i tyre u bë nga karabinierët në Viterbo pasi mbaheshin në vëzhgim prej disa ditësh, pasi shpërndanin kokainë.
Mediat italiane nuk bëjnë publik identitetet e dy shqiptarëve, por ata janë të moshës 20 dhe 36 vjeç.
Shqiptarët u kapën në posedim të një sasie prej 7.4 gram kokainë, e cila është sekuestruar në cilësinë e provës materiale. Dy shqiptarët përfunduan në paraburgim në Karabinierinë e Viterbos.
