Për kolegun e saj të Partisë Socialiste, Evis Kushi ka kontrolluar mes fotove të vjetra për të gjetur njërën që i hedh poshtë akuzat e Partisë Demokratike se Taulant Balla udhëton me charter me një të dënuar për trafik droge.
Mes fotografive, Evis Kushi ka gjetur se një nga datat që denoncoi Ervin Salianji, 8 dhjetor 2014, korrespondon me një vizitë zyrtare në Bruksel, ku bashkë me të dhe Taulant Ballën, kanë qenë edhe Edi Rama dhe Monika Kryemadhi.
“Meqenëse në nje nga udhëtimet për të përfaqësuar Shqipërinë kam qenë dhe unë më datat 8-9 Dhjetor 2014, e sqaroj opinionin publik që më datë 8 Dhjetor 2014 ora 12.23 jemi nisur bashkë me Kryeministrin Rama, Deputetët Taulant Balla, Monika Kryemadhi dhe unë për në Bruksel”, shkruan deputetja Evis Kushi.
Salianji publikoi disa të dhëna nga sistemi TIMS, sipas të cilit ai ka fluturuar drejt Europës disa herë më çarter. Salianji llogariti se udhëtimet e Ballës drejt Vjenës, Romës, Parisit, etj mund të kushtonin pothuajse 600 mijë euro.
