Kanë filluar në kryeqytetin e Rumanisë Bukuresht, manovrat më të mëdha ushtarake të NATO-s me shtatë aleatë në Detin e Zi, të koduara si “Mburoja e Detit 2018” (Sea Shield 2018).
Raportohet se manovrat zhvillohen mes datave 6 dhe 9 maj, ndërsa marrin pjesë Turqia, Spanja, Bullgaria, Rumania, Britania e Madhe, SHBA dhe Greqia.
Në kuadër të Grupit Detar të Përhershëm të NATO-s Nr.2, në këto manovra janë përfshirë tre avionë stacionarë detarë, pesë avionë luftarakë dhe 21 anije.
Brenda këtij viti, NATO-ja planifikon të realizojë 106 manovra, ndërsa pritet që aleatët e saj të marrin pjesë në rreth 180 manovra ushtarake kombëtare dhe ndërkombëtare.