Tre vajza me origjinë ende të panjohur u gjetën të vdekura, dyshohet te vrara, në anën greke të kufirit lumor midis Turqisë dhe Greqisë, thanë burimet policore, sipas Reuters.
Trupat e pajete i gjeten në një fushë nga një kalimtar, ne një distancë të shkurtër nga njëri-tjetri pranë një rruge migrimi nga Turqia mbi kufirin e lumit Evros, në Greqi, megjithëse ende nuk dihet nëse gratë ishin emigrante.
Policia tha se ata dyshonin për krim. Të tre kishin plagë, njoftoi agjencia e Athines (ANA).
“Ato u gjetën 50 metra larg lumit”, tha një zyrtar i policisë për Reuters. Dy prej viktimave besohej se ishin të moshës nga 15 deri në 18 vjeç.
Zona kufitare e Evros ndodhet në një korridor të kontrabandës së njerëzve, që rifitoi popullaritetin pasi Bashkimi Evropian dhe autoritetet turke në vitin 2016 mbyllën rrugët e detit në Egje të përdorura nga qindra mijëra emigrantë në 2015.
