Personi që shihni në foto është Ilir Boriçi, i cili u vu sot në pranga nga policia në kuadër të operacionit ‘Forca e ligjit’ në Fier. Boriçi mësohet se është pjesë e grupit të quajtur “Boriçët”, grup me precedent kriminal kryesisht në fushën e krimeve kundër personit.
Ai është arrestuar nga Policia 5 herë për veprat penale “Tentativë vrasje”, “Kanosje”, “Shkatërrim prone” dhe “Armëmbajtje pa leje”. 42-vjeçari ishte në masën “Detyrim paraqitje” për veprën penale “Armëmbajtje pa leje”, “Kanosje” dhe “Shkatërrim prone”.
Veprat penale për të cilat është dënuar Boriçi, në periudha të ndryshme.
-Në vitin 1999 ai u arrestua për “Shkëmbim zjarri”, “Tentativë vrasje” dhe “Armëmbajtje pa leje”.
-Në vitin 2008-2011 ka vuajtur dënimin në burgun e Milanos për veprën penale “Shfrytëzim prostitucioni”.
-Në 11.11.2013 është arrestuar në flagrancë për veprën penale “Armëmbajtje pa leje” dhe është dënuar me 4 vjet e 8 muaj burg.
-Në 22.06.2017 është arrestuar për veprat penale “Armëmbajtje pa leje”, shkatërrim prone”, “Kanosje” dhe “Prishje të rendit dhe qetësisë publike”. Në Seman ka qëlluar me armë dhe ka shkatërruar lokalin e shtetasit A.C.
Pavarësisht të gjithë këtyre dënimeve për një sërë veprash penale, 42-vjeçari ka kryer vetëm tre ditë burg dhe më pas Gjykata ka caktuar ndaj tij masën “Detyrim paraqitje”. Kujtojmë se sot nga kontrolli i ushtruar në lokalin në lagjen “8 Shkurti” në Fier, Boriçit iu gjetën 2 armë zjarri pistoletë dhe një shpatë.
NJOFTIMI I POLICISE PER ARRESTIMIN
FNSH në bashkëpunim me Policinë Vendore Lushnje e Fier, në kontrolle të befasishme për kapjen e personave që qarkullojnë me armë zjarri dhe personave të shpallur në kërkim.
Kontrollet janë kryer në lokale dhe ambiente të ndryshme si edhe në akset rrugore kryesore e dytësore të qytetit të Fierit dhe Lushnjes.
Sekuestrohen 2 armë zjarri pistoletë dhe 1 shpatë, arrestohet në Fier në kushtet e flagrancës poseduesi i tyre, shtetasi Ilir Boriçi.
Kapet dhe ndalohet në Lushnje një shtetas i shpallur në kërkim për “Armbajtje pa leje” dhe “Kanosje”.
Në vijim të zbatimit të planit të masave për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale” si edhe nga mbatja nën vëzhgim e ambienteve që frekuentohen nga persona me precedent kriminal, u bë i mundur arrestimi në flagrancë i shtetasit:
•Ilir Boriçi, 42 vjeç, banues në Fier.
Nga kontrolli i ushtruar në lokalin në lagjen “8 Shkurti” Fier, shtetasit Ilir Boriçi iu gjetën 2 armë zjarri pistoletë dhe një shpatë.
Shtetasi Ilir Boriçi është pjesë e grupit të quajtur “Boriçët”, grup me precedent kriminal kryesisht në fushën e krimeve kundër personit.
Shtetasi i lartëpërmendur është arrestuar nga Policia 5 herë për veprat penale “Tentativë vrasje”, “Kanosje”, “Shkatërrim prone” dhe “Armbajtje pa leje”.
Aktualisht ky shtetas ishte në masën “Detyrim paraqitje” për veprën penale “Armbajtje pa leje”, “Kanosje” dhe “Shkatërrim prone”.
Gjithashtu, po në kuadër të kontrolleve të ushtruara u bë e mundur kapja dhe ndalimi i shtetasit të shpallur në kërkim:
•Said Dervishi, 25 vjeç, banues në Lushnje.
Gjykata e Rrethit Gjyqësor Lushnje ka caktuar masën e sigurimit “Arrest me burg” për veprat penale “Kanosje” dhe “Prodhimi dhe mbajtje pa leje e armëve dhe municionit luftarak”.
Ky shtetas, 04.09.2018 në kodrat e fshatit Zhamë, gjatë një konflikti për motive pronësie ka qëlluar disa herë me armë zjarri automotik drejt vëllezërve N.M dhe H.M.