Një autobus shqiptar është djegur në Limburg-Eschhofen të Gjermanisë. Siç shkruajnë mediat vendase, autobusi është djegur rreth orës 22:40, ndërsa dëshmitarët kanë lajmëruar zjarrfikësit dhe policinë, pasi gjetën një minibus të përfshirë nga flakët, në rrugën “Brüsselerstrasse”.
Pavarësisht se ekipi i zjarrfikësve arriti në vendngjarje shpejt dhe neutralizoi flakët, ishte tepër vonë, pasi zjarri ishte përhapur shumë dhe kishte shkaktuar dëme të madha materiale, që llogaritet në rreth 40.000 euro.
Dyshohet se zjarri është vënë qëllimisht, pasi dëshmitarët kishin vënë re një person që kishte hedhur një objekt brenda minibusit tashmë në djegie e sipër, pas së cilit zjarri u intensifikua. Më pas, personi u largua nga vendngjarja me një makinë.
