Drejtori sportiv i Interit, Piero Ausilio vazhdon ta ndjek me kujdes mesfushorin e Real Madridit, Luka Modric.
Një përpjekje gjatë verës e çoi në raportimin e Realit ndaj Interit në FIFA, por Ausilio nuk ka hequr dorë nga ringjallja e një marrëveshjeje në muajin janar.
Shtëpia më e madhe e futbollit në botë, FIFA e quajti të rregullt veprimin e Interit muajin e kaluar dhe nuk ka asnjë padi në drejtim të tyre.
Sipas të përditshmes italiane “Corriere dello Sport”, Ausilio është duke hulumtuar për gjetjen e një mesfushori të ri gjatë merkatos së janarit.
Sigurisht që mesfushori kroat i Real Madridit, Modric kryeson listën e dëshirave për blerje nga ana e Interit.
Në listë është edhe mesfushori i talentuar i Ajaxit, Frenkie de Jong, i cili gjithashtu është në shqyrtim nga drejtuesit.
Së bashku me Interin, De Jong është gjithashtu një objektiv i Barcelonës.
Muaji janar pritet të jetë i nxehtë për klubin italian, pasi edhe përkundër rezultateve pozitive po has në vështirësi në mesin e fushës.
