Ditën e sotme Gazeta Shqiptare ka publikuar rrëfimin e fundit të Xhisiela Malokut, rrëfim që vjen pas dy daljeve televizive të 24-vjeçares.
Përballë psikologes, Xhisiela i ka qëndruar fjalëve të saj të mëparshme duke thënë se nuk është dhunuar apo përdhunuar nga Rexhepi dhe se së fundmi pas arrestimit të ish-të dashurit gjendja e saj psikologjike është rënduar.
“Jam gati të përballem me ligjin për dëshmitë e mia të rreme në prokurori,” ka thënë Xhisiela lidhur me deklaratat e saj kontradiktore.
Ndër të tjera 24-vjeçarja ka hedhur poshtë pretendimet për kërcënime kundrejt saj, pas dy intervistave në Klan dhe Top Channel.
“Ju lutem mos më gjykoni për jetën time se dëgjoj pafund që thonë: Ku e ke marrë këtë, ku e ke marrë atë? Duke filluar nga atletet, rrobat, gjërat më personale të mijat. Mos paragjykoni kur nuk dini asgjë!”
Kështu e ka mbyllur Xhisiela Maloku rrëfimin e saj.
