Në një kohë kur 3 persona janë shpallur në kërkim për ngjarjen e rëndë që tronditi zemrën e Bllokut në Tiranë, ku një i ri u vra dhe u plagosën tre të tjerë, detaje të reja dalin në dritë.
Gazetarja e ‘News24’ dhe ‘BalkanWeb’ Klodiana Lala tha në ‘Kjo javë’ të ‘Nisida Tufës se Ervin Mata, i dashuri i Elvana Gjatës, Fabian Allushi dhe Mevjol Bilo, (të tre të shpallur në kërkim) sipas sistemit TIMS, nuk rezultojnë të jenë larguar nga Shqipëria.
“Në rrugë zyrtare, 3 të shpallurit në kërkim nuk kanë dalë jashtë vendit, këtë e konfirmon edhe sistemi TIMS, por mund të kenë përdorur forma të tjera. Nesër janë seancat për masën e sigurisë. Mund të ndodhë që të ketë dëshmitarë dhe prova të tjera”, tha Lala.
Kujtojmë se personi i dyshuar për vrasjen e Fabiol Gaxhës dhe plagosjes së Ervis Martinajt dhe Eljon Hatos thuhet se është truproja dhe kushëriri i këngëtares Gjata, njëherësh edhe pjesë e Forcave Komando ushtarake Mevjol Bilo.
