Fondacioni Shqiptaro–Amerikan për Zhvillim (AADF) në bashkëpunim me Ministrinë e Arsimit, Sportit dhe Rinisë organizon aktivitetin “AADF Partneri Strategjik në Arsim”. I pranishëm ishte dhe kryeministri Edi Rama ku gjatë fjalës së tij tha, se sot arsimi është i ndarë nga politika dhe mësuesit nuk mund të blihen.
“Mësuesit nuk janë më në trysni nga politika. Voto për mua. Edhe pse ka ende për të bërë, pasi ka drejtorë dhe nëndrejtorë që nuk janë më për atë punë. Shkolla e drejtorëve është një burim dije që nuk ka të paguar. Shkollën e kemi ndarë nga politika nga niveli i mësuesve. Shkolla e Drejtorëve nuk do të jetë një metodologji me trajnimet më të mira, me metodologjitë më të mira”, tha kryeministri, Rama.
Gjithashtu kreu i qeverisë tha se sot, nuk mundet që djali i një ministri, apo vajza e një deputeteje, të kalojë vajzën e një çobani, nëse ai nuk mëson.
“Djali i një ministri, vajza e një deputeti nuk e parakalon dot kurrë dalin e një çobani në mal, apo vajzën e një familje në fshat, nëse këta të dytën kanë rezultate të mira, nuk i kalon dot njeri”.
Rama tha se bën shpesh krahasimin mes Shqipërisë dhe Izraelit. Sipas tij, edhe pse ata nuk kanë ujë dhe burime të tjera natyre, kur vjen puna tek dija kanë sistemin më ekselent në botë.
“Nga Izraeli do të marrim një pjesë të rëndësishme të kësaj ideje, sepse kjo është një praktikë e konsoliduar në atë vend. Vendi me mungesën më të madhe të gjithë burimeve natyrore, s’ka ujë, s’ka naftë, s’ka minerale, por i ka gjetur burimet e pasurisë duke investuar tek dija. Është shumë e mirëseardhur edhe pjesa tjetër e programit që lidhet me provimet.
