Nga Boldnews.al
Ishte pak të quhej skandal ai reagim policor ndaj fëmijëve të mitur dhe prindërve të tyre në Elbasan, që dolën për të protestuar pasi nga një vendim i Drejtorisë Arsimore, shkolla Mengël iu mbyll.
Ndërsa bllokuan rrugën nacionale për disa minuta ia behën dhjetëra efektivë policie, përfshi edhe FNSH-në, madje me në krye drejtorin Altin Qato. Shtyrje, përplasje dhe dhunë mbi protestuesit, që nuk ishin gjë tjetër perveç disa fëmijë me çanta shkolle në supe dhe prindërit e tyre. Kaq mjaftoi që “xhaxhi polici” që të mbron të kthehej në “gogolin” që që me hijen e rëndë të uniformës terrorizon të miturit. Pamje të trishta, por shumë pyetje u ngritën më pas.
Shumëkush mund të argumentojë se bllokimi i rrugës është i paligjshëm dhe për pasojë prania e policisë duhet edhe për të futur frikën. Por strukturat e rendit kanë dy pamje në publik, para grave e fëmijëve dhe para një dhunuesi, që nën pushtetin e babait dhe qeverisë bën të “fortin” me një femër jetime 25-vjeçare.
Po policët e Fushë-Krujës si u sollën para Rexhep Rrajës kur ish-e dashura Xhisiela Maloka e denoconte për dhunë? A e treguan ata hijen e uniformës. Mos e morën Rexhep Rrajën me forvcë për ta futur në komisariat me pranga në duar? Asnjë nga këta nuk ndodhi! Kur Xhepi hynte në komisariat, ai e kishte si shtëpinë e toj, policët thjesht e nderonin.
Letrat ia mbyllte pushteti. Të dhunuarën e ridhunonin duke e detyruar të tërhiqte denocimin. Këtu policët ishin të zellshëm që të linin çdo punë e të uleshin këmbëkryq me Xhepin, për të kopsitur dokumentat, që atë të mos e gjentë kurrë gjë.
Edhe pse Xhepi i Rrajave ishte i kërkuar për krim elektoral gjatë fushëtës zgjedhore të vitit 2017, policia e priste dhe e përcillte në komisarit, pa parë se çfarë thoshte ligji, pa e menduar qoftë edhe për një çast për t’i vënë prangat.
Ndersa kur shfaqet një oficer policie që tenton të bëjë detyrën, ai kërcënohet, shantazhohet, braktiset nga eprorët dhe kur detyrohet të arratiset dhe kërkojë azil shpallet i paaftë, mashtrues dhe i ngrenë pesë akuza. E çuditshme? Jo. Oficeri që denocoi dhunën e Rexhep Rrajës ka pesë akuza të ngritura nga shteti ynë, vetë dhunuesi po procedohet vetëm për “përndjekje”, edhe kjo vetëm pas trysnisë së opinionit publik.
Atëherë kur do, policia ta përplasi ligjin në “fytyrë” kur është rasti që nxënës e prindër bllokojnë rrugën në shenjë proteste se i mbyllën shkollën. Ndërsa kur në derën e komisaritit të paraqitet një i dhunshëm, i pushteshëm, bir i një deputeti, ai duhet të nderohet nga policia dhe të vlerësohet nga shefat e tyre.
