Detaje të reja bëhen me dije nga mediat greke lidhur me shqiptarin e arrestuar në shtetin helen, nën akuzën se ka përdhunuar vajzën e tij minorene dhe me aftësi të kufizuara.
Siç raportoon “espressonews.gr”, 41-vjeçari, i cili vijon të qëndrojë pas hekurave që pas arrestimit, u ka thënë hetuesve se kur është kryer incesti kishte qenë aq i pirë saqë kishte humbur kontaktet me realitetin. Siç pohoi, ai nuk mund të kontrollonte sjelljen e tij dhe ngjarjen nuk e kujton mirë. Avokati mbrojtës kërkoi që klienti i tij të shqyrtohej nga një psikiatër.
Si u zbulua babai monstër, la shtatzëne vajzën e paralizuar
Një ngjarje e rëndë është shënuar në Greqi ditët e fundit, pasi mediat jetë shkruajnë së një shqiptare 16-vjeçe është përdhunuar nga babai i saj dhe ka mbetur shtatzënë. Mediat në vend shkruajnë se ky është një lajm shokues pasi, vajza ndër të tjera ishte dhe invalidë dhe nuk mund të lëvizte dot.
“Askush nuk mund të besojë në Amfissa se babai shqiptar është ai që përdhunoi vajzën e tij 16 vjeçare, e cila gjithashtu ka një problem serioz shëndetësor”, shkruan Zogla.gr.
Më tej, kjo media shkruan se kjo familje nuk njihej si problematike dhe të gjithë kishin respekt për të. Gjithkush kishte përshtypjen se babai i kushtonte vëmendje të veçantë familjes së tij dhe sidomos vajzës së tij, e cila ndiqte mësimin në një shkollë specifike pasi kishte nevoja të veçanta.
I gjithë çështja doli në dritë kur 16-vjeçarja u dërgua me urgjencë në spital, pasi kishte dhimbje të forta dhe hemorragji. Por kur u bënë analizat dhe ADN-ja rezultoi se vajza ishte shtatzënë dhe autori ishte babai saj.
Po ashtu pas raporteve të mjekësisë ligjore në Athinë u provua se përdhunuesi ishte babai i saj, i cili më pas u arrestua.
