rej disa ditësh, profesori i Harëard-it Ricardo Hausmann publikoi artikullin ‘Mrekullia shqiptare’, përmes të cilit shprehej se reformat e qeverisë socialiste e kanë shndërruar Shqipërinë në një burim shprese për vendet e tjera.
Ashtu sikurse pritej, kryeministrit Rama nuk kishte si t’i shpëtonte ky artikull pa u shpërndarë në llogarinë e tij në Facebook.
“MIRËMËNGJES dhe me këtë artikull të profesorit të famshëm, Ricardo Hausmann, i cili aktualisht drejton Qendrën për Zhvillim Ndërkombëtar të Universitetit të Harvardit dhe që uroj të gjeni kohën ta lexoni, ju uroj një javë të mbarë”, shkruan Rama, duke i kthyer kështu ‘qokën’ Hausmann-it.
Në artikull Hausmann i thurte lavde kryeministrit Rama, ndërsa fliste për rritjen ekonomike të Shqipërisë.
“Dikur ‘Koreja e Veriut e Europës’, Shqipëria sot ka një nivel të ardhurash që është 25% e asaj të Gjermanisë, ndërsa ka shënuar një rritje me dy shifra të eksporteve dhe forcim të moneshës vendase.”, thuhet në artikullin e Ricardo Hausmann.
Në këtë artikull, Hausmann, thotë se sekreti i kthesës së Shqipërisë ishte Edi Rama. Po, po.
“Cili ishte sekreti i kthesës së Shqipërisë? Së pari, në krahasim me shumë vende që e vonojnë veprimin deri sa të jetë tepër vonë, kryeministri Edi Rama i bëri thirrje FMN-së sapo ai mori pushtetin në shtator 2013.M ë pas, qeveria e tij negocioi një program që i mundësoi Shqipërisë të sigurojë mbështetje financiare, ndërkohë që vinte rregull në financat e veta.”, shkruan Hausmann.
Por në shkrimin e tij, Hausmann ka lënë pa përmendur 2.5 milionë dollarët që ka marrë nga qeveria Rama.
Sapo Rama erdhi në pushtet në 2013-ën, qeveria lidhi një marrëveshje me një institut në Universitetin e Harvardit, instituti quhet CID dhe drejtohet pikërisht nga profesori Ricardo Hausmann, një profesor ekonomie në Harvard, dikur ishte Ministër i Planifikimit të Venezuelës por u arratis nga ky vend kur qeverinë e mori e majta ekstreme dhe e akuzoi dhe Hausmannin ndër të tjerë se e kishte futur Venezuelën në kolaps ekonomik.
Në një artikull të vetë Harward, tregohet se si Rama dhe Hausmann kanë punuar bashkë, në një projekt të themeluar pikërisht nga Fondacioni për Shoqërinë e Hapur”, fondacion i drejtuar pikërisht nga ai – George Soros.
Në faqen zyrtare të Harward Kennedy School, tregohet që në mars të këtij viti, Fondacioni Shoqëria e hapur e ka paguar atë dhe grupin e tij në Shqipëri 1 milionë dollarë për projektin “Forcimi Institucional dhe Rritja Ekonomike në Shqipëri”.
Sipas të dhënave të publikuara, Ricardo Hausmann dhe grupi i tij kanë marrë 2.5 milionë dollarë nga Fondacioni Soros për projektin e këshillimit të qeverisë shqiptare, përgjatë periudhës 2015-2018.
Në vitin 2015 Soros ka sponsorizuar 500 mijë dollarë për Hausmannin ndërsa në vitin 2016 shifra është rritur në 1 milionë dollarë. Kështu, edhe nëse Hausmann nuk është paguar specifikisht për artikullin, është paguar për projektin që ai aq shumë mburr aty- pa përmendur 2.5 milionëeurot që ka marrë.
/Hashtag.al/
