Skuadra e Rangers ditën e sotme mori një rezultat negativ, teksa u mund në transfertën e vështirë përballë skuadrës së Livingstonit.
Skuadra e drejtuar nga trajneri Gerard kishte disa ndeshje radhazi që nuk njihte humbje, ndërsa tani dështoi për të marrë 3 pikët nga ky takim.
Në këtë sfidë nuk u aktivizua lojtari i Kombëtares shqiptare, Eros Grezda.
Fillimisht u mendua se shqiptari do të futej në fushë në pjesën e dytë, por Gerard ka zgjedhur që të mos e aktivizojë.
Dhe ky vendim duket se i ka irrituar tifozët e Rangers dhe në këtë mënyrë ata i janë kthyer kundër Gerardit, teksa nëpërmjet “Twitter-it” i kërkojnë llogari se përse nuk e aktivizoi Grezdën.