Operatori i dytë më i madh në Shqipëri, “Telekom Albania” është në shitje dhe është më e sigurt se blerësi do të jetë “Telekom Srbija”.
Kështu shkruan gazeta serbe, “Blic” sipas të cilës, në “Telekom Srbija” konfirmojnë se janë të interesuar për blerjen e kompanisë shqiptare të telefonisë në pronësi të “Deutsche Telekom”.
“Ky interes është dëshmi e qëllimit të “Telekom Srbija” për të pozicionuar veten si lider rajonal në telekomunikacion. Ne kemi paraqitur një propozim. Jemi duke shqyrtuar ofertën dhe jemi në konkurrencë me operatorët e tjerë. Prandaj, s’mund të japim më shumë informacion të detajuar“, shpjegojnë nga “Telekom Srbija”.
