Skuadra e Romës ka triumfuar në derbi duke mundur Lazion në stadiumin “Olimpico”. E ndjekur dhe e pritur me shumë interes, kjo sfidë dhuroi spektakël dhe emocione jo vetëm në shkallët e stadiumit, por dhe jashtë tyre.
Roma triumfoi në shifrat 3-1, ndërsa në fraksionin e parë, pavarësisht lojës dhe rasteve, kryeqytetasit e Romës kaluan të parët në avantazh, gol i cili çoi ekipet në dhomat e zhveshjes.
Golat e takimit u shënuan nga Pellegrini, Kolarov dhe Fazio, ndërsa në radhën e Lazios, ishte Immobile, i cili shënoi golin e nderit.
Ndeshja ishte e luftuar në të gjitha repartet, por duhet thënë se portieri i Kombëtares së Shqipërisë, Thomas Strakosha, nuk ishte në ditën më të mirë dhe këtë e pohon rezultati i takimit.
Sa i takon renditjes, skuadra e Lazios kryeson me një pikë më shumë se Roma, të cilat numërojnë përkatësisht në 7 takime 12 dhe 11 pikë.
