I duam aq shumë paratë, sa duam të vishemi me to. Kim Kardashian u dallua mbrëmjen e së enjtes me një paraqitje që kishte dizajnin e dollarit, nga koka te këmbët.
37-vjeçarja mbante veshur një pardesy dhe çizme të gjata deri te gjuri, me printet e dollarit amerikan. Madje edhe çanta e saj e zbukuruar e gjitha me gurë kishte simbolin e monedhës.
Dy nga të famshmet shqiptare u dalluan gjithashtu këtë vit duke përqafuar trendin e veshjes me para, Era Istrefi dhe Tayna, ndërsa shumë nga emrat e njohur të muzikës botërore treguan se ky trend do të vazhdojë të qëndrojë për gjatë.
Gjithashtu diva e muzikës pop u shfaq me një kostum, që kishte dizajnin e prerjes 100 dollarëshe në videoklipin e këngës “Dinero”.
Beyonce zgjodhi çantën me dizajnin e kartëmonedhës të Alexander Wang, gjatë një koncerti në tetor të vitit të kaluar. Një tufë me para me prerjeje 100 dollarëshe kapen me rripin delikat.
Por ajo që e bënte më të veçantë çantën “Alexander Wang X Judith Leiber” ishte fakti se në të ndodheshin saktësisht 10,263 kristale “Swarovski”. Çanta kushtonte 4,995 dollarë.
Ndërsa këngëtarja me origjinë shqiptarebRita Ora duket se e ndoqi këtë trend rreth 4 vite më parë, në 2014-n. Gjatë festivalit “Glastonbury”, Rira Ora u shfaq kostumin e markës spanjolle, “W.I.A Clothing”, ku kishte printe të dollarit.
