MOTI – Axhenda është përcaktuar dhe Tirana-Partizani do të luhet sot, në orën 19:45, në stadiumin “Selman Stërmasi”. Derbi pritet të zhvillohet në kushte të favorshme klimaterike. Pritet një mot me vranësira, por i qëndrueshëm, kryesisht me diell, ndërsa pasditja dhe darka do të jetë e kthjellët dhe temperaturat në orarin e ndeshjes pritet të jenë 17-20 gradë Celsius. Në këtë situatë, terreni pritet të jetë në kushte optimale, si dhe nuk do të ketë asnjë pengesë për tifozët.
BASTET – Kompanitë e basteve nuk shohin favoritë në derbi. Ndonëse të kuqtë janë mysafirë në këtë takim, fitorja e Partizanit është kuotuar me koeficientin 2.65, ndërsa barazimi me 3. Kurse fitorja e bardhebluve ka koeficient 2.65, shifër e cila tregon se sa vështirë është të parashikohet suksesi në derbi. Gjithsesi, specifika e këtyre ndeshjeve ka treguar se renditja dhe gjendja e skuadrave nuk ka ndikuar në përballjen e dy rivalëve në fushën e lojës.
