I ftuar mbrëmjen e djeshme në “Të paekspozuarit” me Ylli Rakipin në News 24, është kreu i opozitës, Lulzim Basha.
Në hyrje të kësaj bisede, ku përballë Bashës në panel ndodhet Fatos Lubonja dhe Andi Bushati, Basha u shpreh se çështja e Xhisela Malokut duhet të këtë vëmendjen e shtetit.
“Balla mund të hyjë në linjë telefonike kur të dojë dhe të tregojë se ku ka qenë në këtë ditë që akuzohet se ka qenë në komisariat dhe kanë kërcënuar ish-nënkomisarin”, ka thënë Ylli Rakipi ndërsa ka folur për çështjen e të resë, Xhisela Maloku.
“Ai nuk mund të hyjë këtu kur jam unë këtu, i vetmi është ai që ka 24 orë që hesht…”, ka reaguar Basha, duke nënkuptuar se vetëm Edi Rama mund të hyjë në linjë telefonike.basha
Pjesë nga biseda:
Fatos Lubonja: Ajo që e bën shumë të rëndë, është mosreagimi më vonë, pasi u publikua, heshtja, manipulimi. Historia ka njohur shumë ngjarje të tilla ku mafiozët me pushtetin e tyre dhunojnë e përdhunojnë… gjëja më e rëndë është kur del se këta janë njerëz të pushtetit që kanë ardhur duke u forcuar. Problemi është që këta që e nisën pushtetin dhe pasurinë me trafik njerëzorë, sot janë futur në politikë… këtyre ju duket vetja të paprekshëm. Ky është problemi, ky është rreziku. Secili prej nesh duhet të ndihet i pafuqishëm në këtë fazë, ne duhet të kemi frikë… kjo është heshtje kriminale.
Andi Bushati: Ka një kakofoni në 24 orët e fundit, njerëzve u nevojtiet një mesazh i thjeshtë: kemi një masakrim dhe përdhunim të një vajzë dhe kemi dhe një djalë deputeti të lirë, dhe e dyta, në një vend ku detyrohet viktima të bëjë mbrojtësin e dhunuesit, këtu çdo gjë ka marrë fund.
Pika e dytë: ne kemi folur shumë për pushtetin e rilindjes, por si ka degraduar në 5 vjet ky pushtet. Një histori e njëjtë ka ndodhur 5 vite më parë në Sarandë… meqë kemi këtu zotin Basha, a mund të mjaftohet më opozita vetëm me denoncime?!
Ylli Rakipi: Balla ju ka hedhur në gjyq?
Lulzim Basha: S’ka pikë rendësi çfarë thotë një njeri që është kapur disa herë në krim, është i zhytur deri në fyt, ka bërë miliona me bandat. Për Griseldën shkoi deri në Bruksel, tani bën memecin. Sot kemi të bëjmë me një sistem të inkriminuar. Rama ka shkrirë në një, interesat kriminale me ato politike. Modeli i Ramës është kompleksi kriminalo-politiko-ekonomiko-mediatik.
