GREQI – Dy shtetas shqiptarë janë arrestuar nga policia greke pasi u janë gjetur 350 karta identiteti gjermane dhe franceze bosh, si dhe 100 viza gjermane.
Të arrestuarit janë një shofer i autobusit të një linje Shqipëri-Greqi, si dhe ndihmësi i tij, përkatësisht 41 dhe 38 vjeç. Arrestimi i tyre është kryer në rrugën Ionia, pranë Artës.
Pas kontrollit që është bërë në automjetin e linjës janë gjetur dokumentet false të fshehura pas sediljes së shoferit, në brendësi të kabinës së tij, raportojnë mediat greke.
Dy të arrestuarit janë dërguar te prokurori i zonës, ku u është dhënë akuza për falsifikim.
