Deputetja demokrate Jorida Tabaku ka reaguar pas lajmeve që dha sot kryeministri Edi Rama për një politikë më sociale me buxhetin e vitit të ardhshëm.
Por ndërsa Rama foli me shifra konkrete se si do të përfitojnë familjet për çdo fëmijë të lindur, Tabaku deklaron se bonusi i bebeve nuk i zgjidh problemet në Shqipëri, e cila renditet mes vendeve afrikane për largimin e banorëve.
“Njerëzit sot po largohen nga Shqipëria prej korrupsionit, krimit dhe babëzisë së Ramës me shokë. Prandaj 7 banorë në 1000 banorë kërkojnë azil, Shqipëria renditet mes vendeve afrikane. Bonusi i bebeve nuk zgjidh këtë situate. Fund bashkëqeverisjes me krimin. Vetting i politikaneve dhe çlirim i ekonomisë nga korrupsioni dhe oligarkia”, shkruan Tabaku.
Sot shefi i qeverisë deklaroi se shqiptarët ikin sepse ende nuk jemi anëtarë të BE-së dhe nuk kemi akses në tregun e lirë të punës.
“Së pari cështja e atyre që dalin ikin vijnë është cështje e kohës dhe e lirisë. E lirisë për të lëvizur, nuk jemi më bunkeri i Enver Hoxhës jemi një vend i lirë dhe njerëzit kanë lirinë e lëvizjes, nëse shqiptarët kërkojnë azil politik, kjo ndodh vetëm për një arsye, sepse ende nuk jemi anëtarë të BE-sëdhe nuk kemi akses në tregun e lirë të punës. Po sa për ikjet në numër, po them vetëm kaq që nga Kroacia, nëj vend më i zhvilluar, anëtar i BE kanë ikur në një vit më shumë se sa nga Shqipëria. Shifrat e ikjeve janë propaganda, ikën 500 mijë, 1 milionë, 200 milionë, janë propagandë në këto vite. Kanë ikur më shumë se kanë ardhur. Vijnë dhe ikin, ikin dhe vijnë kjo është koha në të cilën jetojmë, njerëzve s ka fuqi në tokë t’ja u bëjë Shqipërinë Gjermani. Ajo që na takon është të shohim përpara. Nuk mjafton e sotmja për të konkuruar askënd, por nesër po sepse sot po i bëjmë reformat e munguara.” – deklaroi Rama
