Katër qendra në kryeqytet që ofronin për klientët shërbime masazhesh, por me një të bërcakët, më ‘menynë’ e tyre ishte një shërbim esktra, por i jashtëligjshëm: prostitucioni.
Shërbimet seksuale ofroheshin nga vajza që punonin në këtë qendër.
Nga katër administratorë të qendrave të SPA-ve (dy meshkuj e dy femra), tre janë arrestuar ndërsa personi i katërt, një mashkull, është shpallur në kërkim policor. Të katërt akuzohen se kanë shfrytëzuar për prostitucion vajza pikërisht në qendrat e masazhit. Janë proceduar gjithashtu edhe 7 vajza, punonjëse në këto qendra, të cilat akuzohen se përveç se ofronin masazhe, prostituonin për një pagesë ekstra.
Arrestimet dhe procedimet erdhën pas hetimeve 7 mujore në kuadër të operacionit policor të koduar “Ektsra Sevice” nga Seksioni për Hetimin e Trafiqeve të Paligjshme në Drejtorinë Vendore të Policisë Tiranë në bashkëpunim me Prokurorinë e Rrethit, njoftoi zyrtarisht këtë të hënë policia e Tiranës.
Burime policore thanë se gjatë bastisjeve në biznese, janë gjetur edhe kondomë, që dyshohet se do përdoreshin nga vajzat në marrëdhëniet seksuale me klientët. Ndërkohë, ambientet ku ushtrohej ky aktivitet janë vënë nën seksutro në cilësinë e provës materiale, bashkë me DVR, kamera vëzhguese dhe aparate celulare.
Aksioni
“Seksioni për Hetimin e Trafiqeve të Paligjshme në Drejtorinë Vendore të Policisë Tiranë në bashkëpunim me Prokurorinë e Rrethit Gjyqësor Tiranë, pas një pune hetimore 7-mujore, finalizuan operacionin policor të koduar “Extra Service” në kuadër të të cilit u bë arrestimi i shtetasve:
– H. D., 33 vjeç, banues në Tiranë
– A. M., 28 vjeçe, banuese në Tiranë
– L. Q., 34 vjeçe, banuese në Tiranë
si dhe është shpallur në kërkim shtetasi M.M., 43 vjeç, banues në Tiranë”, njoftoi zyrtarisht Policia.
Të njëjtat burime shtuan se: “Ambientet e qendrave të masazhit qe administronin, ata i vendosnin në dispozicion për të ushtruar prostitucion, vajzat e punësuara në to. Gjithashtu janë proceduar në gjendje të lirë 7 punonjëse në këto qendra, për ushtrim prostitucioni.
Janë sekuestruar në cilësinë e provës materiale DVR, kamera vëzhguese, aparate celulare dhe 4 ambiente ku ushtrohej ky aktivitet. Materialet do t’i kalojnë Prokurorisë së Rrethit Gjyqësor Tiranë për veprime të mëtejshme”.
