Silvio Berluskoni i rikthehet sërish botës së futbollit pasi ka marrë zyrtarisht 100% të aksioneve të klubit të Monzës.
Sipas “Sportmediasset” Fininvest, që është biznesi familjar i Silvio Berluskonit, do të marrë të gjitha aksionet e klubit që militon në Serie C.
Në fillim, në fakt, negociatat u vendosën për 75% të aksioneve dhe pastaj për 95 %, por ish presidenti i skuadrës së Milanit ka vendosur që të blejë të gjitha aksionet.
Shuma totale e marrëveshjes shkon rreth tre milion euro.
Sipërmarrësi Nicola Colombo, do të mbetet president, ndërkohë që Adriano Galliani, do të jetë administrator i deleguar.
