Policia ka arrestuar një 27-vjeçar në Mat pasi tentoi të djegë shtëpinë e një shtetasi mbrëmjen e së hënës.
“Xhevahir Bala, shkoi tek banesa e shtetasit F.S., 30 vjeç, të dy banues në Klos, me benzinë, e spërkati dhe më pas i vuri flakën derës hyrëse të banesës së tij”, raportoi policia.
Nga rënia e zjarrit nuk ka patur dëme as në njerëz dhe as në sende materiale.
Ngjarja ndodhi gjatë orëve të natës të datës 24.09.2018 dhe nga veprimet e kryera mësohet ka ndodhur për shkak të një konflikti mes dy personave për motive të dobëta.
Bala tentoi të largohej nga vendngjarja por u arrit të identifikohetj dhe arrestohej nga policia.
Materialet proceduariale do të referohen në Prokurorinë e rrethit Gjyqësor Mat, për veprën penale “Shkatërrim i pronës me zjarr” parashikuar nga Neni 151/3 e 22 i Kodit Penal.
