Policia e Burrelit doli me një njoftim mbrëmjen e së hënës se prej disa ditësh po monitoronte ditë e natë me dron pasi kishte marrë telefonata se në qytet kishte mbërritur ISIS. Më tej në deklaratë thuhej se qytetarët kishin denoncuar se ishin rrëmbyer edhe fëmijë!!! Megjithatë, policia tha në njoftim se ishin thjesht mashtrime dhe se nuk kishte asgjë të vërtetë në atë që thuhej.
Por, në redaksinë e JOQ.al kanë mbërritur pamje nga “krijesa” misterioze që është fotografuar në vende të ndryshme në Burrel. Personi që i ka dërguar thekson se krijesa qëndron prej kohësh dhe se ka tmerruar dhjetëra qytetarë. Nuk dihet ende se çfarë po ndodh me të vërtetë, por nga pamjet e siguruara, duket se është mjaft e frikshme.
Në reagimin e policisë thuhet:
Nisur nga këto Drejtoria Vendore e Policisë Dibër dhe Policia lokale e Burrelit, shprehin keqardhje për këto disinfrmacione dashakeqe duke përhapur panik tek qytetarët. Këto informacione të pavërteta dhe tërësisht dashakeqe me prapavijë të errët kanë për qëllim të nxijnë punën e policisë dhe të sfumojnë sado pak rezultatet që Policia e Shtetit po arrin në luftë ndaj krimit të organizuar dhe krimit në tërësi.
Theksojmë se në qytetin e Burrelit dhe rrethin e Matit prej një viti nuk është shënuar asnjë vrasje apo ngjarje e rëndë kriminale, janë ulur ndjeshëm rastet e vjedhjes kundër pronës, si dhe nuk është konstatuar asnjë rast i kultivimit të bimëve narkotike. Të gjitha këto tregojnë angazhim dhe seriozitet të strukturave të Policisë si dhe bashkëpunim mjaft të mirë me Komunitetin”.
