Kapiteni legjendar i Romës, Francesco Totti, ka rrëfyer se ka dashur që te Roma të luante me futbollistë të klasit botëror.
Sulmuesi italian ka treguar se në kohën kur luante futboll është munduar të bindte të transferonte dy futbollistë të mëdhenj në Romë.
Fillimisht ish-numri 10 i verdh-e-kuqve e kishte dashur brazilianin Ronaldo, e më pas edhe Zlatan Ibrahimoviçin. Por, këto dy dëshira të tij nuk ishin plotësuar asnjëherë, pasi Roma nuk kishte mundësi që t’i transferonte këta dy yje në ekip.
“E kam thënë gjithmonë se duhet të kesh kampionë në skuadër për të fituar. Unë shpresoja se Ronaldo, Ibrahimoviçi dhe të gjithë lojtarët më të mirë të botës do të vinin këtu”, ka deklaruar Totti.
“Jo vetëm lojtarët më të mirë në botë për fazën e sulmit, por edhe mbrojtësit dhe mesfushorët më të mirë, por, për fat të keq, ne kishim një limit, nuk kishim mundësi financiare të shpenzojmë para për këta kampionë”, ka theksuar ai.
