Çdo grua e arrin suksesin në mënyrën e vet: për disa, duke qenë nënë, ndërsa për të tjera, duke qenë më e mira në punë. Po cilat janë 10 karakteristikat që gratë e suksesshme i kanë të përbashkëta?
Suksesi nuk arrihet duke qenë perfekte, por duke ruajtur zakone të mira të përditshme. Ja cilat janë:
1. Ato kërkojnë ndihmë kur kanë nevojë
Qoftë nëse është burri i saj, mikja më e mirë, ose kolegu i biznesit tek ic ili beson më së shumti, një ekip i mirë ku të mbështetesh është i rëndësishëm. Gratë fituese nuk kanë frikë t’u besojnë të tjerëve.
2. Ato zgjedhin betejat e tyre
Mund të bëjmë çdo gjë, por nuk mund të bëjmë gjithçka. Është kjo mantra për gruan e suksesshme. Ne duhet t’i japim përparësi asaj që është e rëndësishme dhe delegimi ose heqja dorë nga disa gjëra është thelbësore.
3. Ato besojnë në vetvete
Po, ne të gjithë kemi momentet tona të pasigurisë, por kjo është për shkak se jemi njerëz! Por në thelb ato gjithmonë besojnë në veten e tyre dhe e dinë se si të japin 100%.
4. Ato kujdesen për veten
A e dini se në udhëzimet e emergjencës të aeroplanëve thonë se ju duhet të vendosni maskën e oksigjenit në fillim dhe pastaj mund të ndihmoni të tjerët? Gratë e suksesshme e dinë se nëse vetë nuk janë mirë, ato nuk do të jenë të dobishme për të tjerët. Kujdesi për veten, duke u ushtruar dhe duke ngrënë mirë, është i rëndësishëm.
5. Pranojnë papërsosmëritë e tyre
Të dëshirosh të jesh e përsosur në çdo gjë është e lodhshme. Për më tepër është e pamundur! Pranimi i papërsosmërive, përkundrazi, ju çliron. Gratë janë më efikase dhe efektive kur pranojnë defektet e vogla të jetës së përditshme.
6. Shijojnë momentet e vogla
Jeta është plot me gjëra të mira: duhet të gjesh kohën për t’i gjetur dhe për t’i shijuar ato. Ato do të na japin energji për të vazhduar. Sepse të kujdesesh për veten është e rëndësishme, gjithashtu sepse siç e dini trupi juaj flet.
7. Nuk krahasohen me të tjerat
Secila prej nesh ka pika tona të forta dhe të dobëta. Krahasimi i vetes me të tjerat nuk sjell asnjë ndihmë. Përkundrazi, përqendrimi në virtytet dhe dobësitë tona mund të çojë drejt suksesit.
8. Gabimet e vogla nuk i ndalojnë
Ne të gjithë gabojmë. Për të ecur përpara duhet të pranoni gabimet dhe të mësoni prej tyre.
9. Ato e dinë kur të thonë jo
Të thënit “JO” për gjërat që nuk i pëlqejnë, i jep forcë një gruaje. E bën atë të sigurt për veten dhe e shton vetëvlerësimin e saj.
10. Ndan arritjet e veta
Ato luajnë në ekip. Ndajnë përvojat e tyre dhe i frymëzojnë të tjerët, duke u bërë udhëzuese për gratë e reja.
